مردم سالارلیک و دموکراتیک توزومیده سیلاو شفاف‌لیگی و سیلاو عدالتی تامین‌لنیشی عموم خلق‌نی مسلم حقی دیر. سیلاو قانونی مطابقتیده سیلاو اونگیده بولگن هرقندی ساحته‌کارلیک شکایت‌لرنی تینگلش مقصد سیلاو شکایت‌لرینی تینگلش کمیسیونی ایجاد ایتیلگن. اوشبو کمیسیون سیلاو جریانیده هرقندی قلابکارلیک، ساحته‌کارلیک و سیلاو جرایم‌لریده ییتیشیش مسولیتیگه ایگه بولیب، ملی مشارکت سطحی یوقاری باریشی، خلق‌نی ایشانچی تام بولیشی مقصد نظم‌لی بیر سیلاو اولکه بویلب یولگه قوییشی‌نی بوینیگه آلگن. سیلاوگه عاید شکایت و ناراضی‌لیک‌لر سیلاوشکایت‌لرینی تینگلش کمیسیون مرکزی و ولایتی دفترلریده قید ایتیله‌دی. اوندن کیین مذکور شکایتلر تیکشیریله‌دی، شونینگ دیک تیکشیریلگنیدن کیین شکایت و اعتراض‌لرگه قرب تصمیم آلینیب میدیالر آرقه‌لی ترقه تیله دی.
سیلاو قانونی ییتمیش تورتینچی و توقسن بیرینچی ماده سی اساس، سیاسی احزاب و باشقه قطار نهادلر نامزدلرنی باشلنغیچ رویخطی ترقه تیلگنیدن ایکی هفته دن کیین یاده ایکی کون ایش جریانیدن اوتکنده شرایط گه تینگ بولمه‌گنی خصوصیده اعتراض‌لرینی قید ایته آله‌دی. شونینگ دیک کاندیدلر و اونینگ نماینده لری آواز بیریش و آوازلرنی حسابلش چاغی یاده سیلاو یولگه قوییلگنیدن ایکی کون کیین اوز شکایت‌لرینی مرکز و ولایت‌لرده گی دفتریده قید ایتیشی کیره ک. شکایت‌لرنی تینگلش کمیسیون‌نی ولایتی دفترلری شکایت و اعتراض‌لرنی قید ایتگنیدن اون بیش کون کیین اوشبو شکایت‌لرنی تیکشیریب اوندن کیین سونگی نتیجه‌سینی ترقه‌تیشی کیره ک. سیلاو شکایت‌لرینی تینگلش کمیسیون‌نی ولایتی دفتری‌نینگ تیکشیرگنی شکایت قیلگن کیشینی ایشانچی گه تینگ بولمه‌گن تقدیرده مذکور شخص اوز شکایت‌لرینی مرکزی کمیسیون گه یوباریشی کیره ک. شکایت‌لرنی تینگلش مرکزی کمیسیونی شکایت و اعتراضی بولگن شخص‌نی قولیده گی هجتی‌نی تیکشیریب اونگه قرب تصمیم آلیشی کیره ک. دیمک سیلاو قانونی‌نینگ 93 ماده سی گه اساس سیلاو شکایت‌لرینی تینگلش کمیسیونی شکایت و اعتراض‌لرگه ییتیشیش مهم و اینک یوکسک اداره حیثیده تانیشتیریلگن و باشقه هیچ قندی ایچکی و چیت ایل‌لیک اداره سیلاو شکایت‌لرینی تینگلش کمیسیون ایشلریده اره لشووگه حقی یوق. سیلاو شکایت‌لرینی تینگلش کمیسیونی سیلاو قاعده لری، لایحه‌لری و ریجه‌لریگه مطابق شکایت‌لرگه دقت قیلیش مسولیتیگه ایگه دیر.
تیکشیروو اوچون مخصوص کمیسیون
سیلاو قانونی 44- ماده سی‌نینگ ایکینچی بولمی گه مطابق سیلاو شکایت‌لرینی تینگلش کمیسیون‌نینگ باشلیغی، مملکت ملی مدافعه، ایچکی ایشلر وزیرلیگی، ملی خوفسیزلیک عمومی ریاستی، محلی ارگان‌لر و باشقه قطار تیگیشلی اداره لری تمانیدن شکل آلگن کمیسیون‌نی نظارت قیلیش مسولیتی گه ایگه. شونینگ دیک اوشبو کمیسیون مسول‌سیز قورالی‌لر هر بیر نامزدنینگ منفعتی اوچون ایش بجرگنیده رخصت بیرمه‌یدی. اگرده بوندی وضعیت سیلاو جریانیده کوزگه کورینگن زمان اوشبو شخص‌نی تیکشیریب و قیسی کاندید نفعی گه حرکت قیلیشی‌نی تاپیب اونگه قرشی قانونی حرکت قیلیشی کیره ک. تیکشیریش جریانی هر بیر نامزدنی اسمی قید ایتیلگنیدن باشله‌نیب و اوشبو نامزد سونگی رویخطی ترقه تیلگونگه قدر دوام تاپماقده. بونگه قوشیمچه قانون سیز قورالی گروه لرگه داخل بولگن نامزد لرنی تیکشیریب، اوندن کیین مذکور نامزدنی اسمی کاندیدلر رویخطیدن چیقاریلیشی خصوصیده ییترلیچه چاره – تدبیرنی قولگه آلیشگه حقی بار.