هر بیر کاندیدی یا نامزد، اوز برنامه‌لرینی مردم گه ییتکزیش مقصد کمپاین روشیدن فایده لنیب و اوشبو روش سیلاو قانونی گه مطابق هر بیر نامزد گه حق بیریله‌دی تا تعین ایتیلگن زمانگه قدر اوز برنامه‌لرینی مردم گه بیان قیلسه. شونینگ دیک هر بیر نامزد سیلاو کمپاینی جریانیده هرقندی ییغین، احتفال و هماییش‌لردن ایش آلیب و اوشبو یول آرقه‌لی اوز برنامه‌لرینی مردم گه ترقته‌دی. هر بیرسیلاوگه اساس کمپاین زمانی قوییده گی دیک قید قیلینگن:
- جمهورلیک ریاست سیلاوی اوچون 60 کون؛
- نماینده لر کینگشی سیلاوی اوچون 20 کون؛
- ولایتی کینگش سیلاوی اوچون 20 کون؛
- تومن‌لر کینگش سیلاوی اوچون 15 کون؛
- قشلاق‌لر کینگش سیلاوی اوچون 7 کون؛
- بلدیه‌لر و بلدیه‌لر کینگش سیلاوی اوچون 20 کون سیلاو قانونیگه قید ایتیلگن.
هر بیر سیلاوده، سیلاو کمپاینی سیلاو کونیدن باشلب 48 ساعت آلدین یکونلنه‌دی. سیلاو جریانی برچه نامزدلر اوچون شفاف و تینیق بیرحالده یولگه قوییلیشی اوچون سیلاو مستقل کمیسیونی تمانیدن ایری لایحه‌لر ترتیب بیریلگن، سیلاو کمپاینی‌نینگ روشی هر بیر نامزد اوچون انیقلنه‌دی.