سیلاو ایرکین کمیسیونی، سیلاو شکایت‌لرینی تینگلش کمیسیون‌نینگ فیصله‌سی گه اساس، آوازلرنی قیته سنه‌ش و تفتیش جریانی‌نی 1398- ییل 27- دلو توشدن آلدین ساعت 8:30 ده برچه ولایت نینگ مرکزی دفترلریده باشلنه‌دی.
سیلاو ایرکین کمیسیونی، آوازلرنی قیته سنه‌ش و تفتیش جریانی باشله‌نیشی همده بایومتریکی معلومات‌نی قانون، لایحه و طرزالعمل‌لرگه مطابق تصمیم آلگن تا بیرقطار ولایت‌لرنی آوازی قیته سنه‌لسه.
اجتماعی میدیا‌لر (اینقسه فیسبوک و تویتر) اجتماعی صحیفه‌لرده، سیلاو ایرکین کمیسیون‌نینگ باشلیغی خانم حوا علم نورستانی آتی‌ده ساخته و قلابی صحیفه‌لر توزه لیب، کوپلب سیاسی و سیلاو موضوعات‌لرینی ترقه‌تماقده، بو کبی صحیفه‌لر کمیسیون باشلیغی‌گه تیگیشلی ایمس.
سیلاو ایرکین کمیسیونی، مملکت یشاوچی‌لری تمانیدن اوتکزیلگن هرقندی اعتراض و ناراضی‌لیک نماییش‌لرنی اولرنینگ اساسی حقی بیلیب و دموکراتیکی ارزش‌لر عملگه آشیریلیشی اوچون اوته مهم بیله‌دی.
سیلاو ایرکین کمیسیونی، خلق‌نینگ واقعی آوازینی قوریش و شفافلیک تامین ایتیلیشی مقصد، سیلاو قانونی‌نینگ 86- ماده سی اساسیده آلدیندن قید ایتیلگن 8329 محل آوازینی قیته سنش و تفتیش ایتیشگه قرار قیلگندی. شونینگ دیک آوازلرنی قیته سنش و تفتیشدن مقصد، اعتبارگه تینگ بولمه‌گن و سیلاو قاعده سی و طرزالعمل‌لریگه قرشی بولگن آوازلرنی اجره تیش دییله‌دی.