سیلاو مستقل کمیسیون‌لری، جمهورلیک ریاست سیلاو نتیجه‌سی معلوم بولیشی و بو سیلاو جریانیده بولگن ایشلر ایکاله کمیسیون هماهنگ‌لیگیده آلغه بارگنی و آلتینچی میزان جمهورلیک ریاست سیلاویده مردم نی کینگ کولمده اشتراکیدن استقبال قیلیشتی‌لر.

دستلب، سیلاو مستقل کمیسیون‌نینگ باشلیغی، اوشبو ییغینده اشتراک قیلگن‌لرنی خوش کیلدینگیزدیب، دیجتالی و عادی مرکزلرده آوازلرنی پروسس و قید ایتیش جریانی دوامیدن خبر بیریب، اوشبو جریان ملی و خلق ارا نظارتچی‌لر حضوریده یخشی‍‌لیک بیلن آلغه باریشینی تیگله آلدی.

شونینگ دیک حاضرگه قدر 11مینگ دن آرتیق فورم نتیجه‌سی تیکشیریلیب، منسجم لشتیریلیب و کاپی قیلینگن و 8500 فورم هم معلومات مرکزیده قید ایتیلماقده. شونگه اوخشش 22مینگ دیجیتالی فورمی سیستم گه قید ایتیلگن و بو جمله‌دن 14500 ایسه پروسس قیلینگنیدن خبر بیردی خانم نورستانی.

عین حالده سیلاو شکایت‌لری بوییچه مستقل کمیسیون‌نینگ باشلیغی خانم زهره بیان شینواری، جمهورلیک ریاست سیلاوگه عاید تورت مینگ و بیش یوز شکایت قید ایتیلگن و اوشبو شکایت‌لر تیکشیریلیش جریانی دوامی بولگنیدن خبر بیره دی.

اوشبو ییغین اخیریده، سیلاو مستقل ایکاله کمیسیون‌لری‌نینگ رهبرلیک هیاتی میدیالر سوراغ‌لریده جواب قیتریب، جمهورلیک ریاست سیلاو نتیجه‌سی شفاف و آچیق بیرحالده اعلان ایتیلیشیدن ایشانچ بیردی‌لر.