سیلاو مستقل کمیسیونی، سیلاوگه عاید برچه تیارگرلیک و تخنیکی ایشلری آلغه باریشدن مردم‌نی آگاه لنیشی، سیلاوده بولگن خواطرلیک‌لرنی باشدن چیقاریب و اوشبو جریان شفاف‌لیگی دن ایشانچ قولگه کیریتیشی مقصد ییغین یولگه قویدی.

دستلب سیلاو مستقل کمیسیون‌نینگ باشلیغی خانم حواعلم نورستانی، آلتینچی میزان‌نی اولکه تاریخیده اینگ مهم و سرنوشت ساز عنوان قیلیب، آواز بیریش شرایط گه تینگ بولگن برچه اولکه داشلر اوشبو ملی جریان گه قوشیلیب آواز بیریش‌لرینی سوره دی. شونینگ دیک سیلاوگه شریک برچه نهادلر سیلاو شفاف و بوتونلی یولگه قوییلیش اوچون یاردم بیریش‌لرینی طلب قیلدی خانم نورستانی.

سیلاو مستقل کمیسیون‌نینگ باشلیغی شونینگ دیک، سیلاو یولگه قوییلیشی اوچون برچه تیارلیک آلینگن و اوشبو سیلاو اولکه وضعیتیده اوزگریش کیلتیریشیده ایشاندی.

او همده سیلاوگه شریک برچه نهادلرنی اوشبو جریان یخشی آلغه باریشی اوچون قیلگن یاردم‌لیک‌لریدن آلقیشله‌دی.

شوندی بیرحالده سیلاو مستقل کمیسیون‌نینگ کاتیبی و عضوی مسافر قوقندی، اوشبو کمیسیون عضوی مولانا محمد عبدالله، محمد حنیف دانشیار و اورنگ زیب جنابلری مخبرلر سوراغ‌لریده جواب قیتریب، میدیالر، ملی و خلق ارا شریک‌لر و خوفسیزلیک کوچلری اوشبو پروسه یخشی لیکده آلغه باریش مقصد قیلگن یاردم‌لیک‌لریدن آلقیشله‌دی. شونینگ دیک اولر سیلاو شفاف بیرحالده یولگه قوییلیشی اوچون بایومتریک و عمومی سرور مرکزیدن ایش آلینیشی نی اوته مهم دیدی.

شونینگ دیک کمیسیون اعضالری، آواز بیریش شرایط گه تینگ بولگن برچه اولکه داشلرنی سیلاوده کینگ اشتراک قیلیب، نظرگه آلگن نامزدگه آواز بیریش‌لرینی طلب قیلدی. بونگه قوشیمچه سیلاونی نظارت قیلووچی برچه نظارتچی و کوزه تووچی‌لر اوشبو جریان یخشی نظارتی اوچون سعی و حرکت قیلیب، هرقندی شکایت و ساحته کارلیک کوریلگن زمان معلومات مرکزیده قونغراق قیلیش‌لرینی سوره دی.

اوشبو ییغین، سیلاو مستقل کمیسیون‌نینگ باشلیغی خانم حوا علم نورستانی، اوشبو کمیسیون اورین باسری سید عصمت الله مل، کاتیبی و کمیشنری مسافر قوقندی، اوشبو کمیسیون اعضاسی محمد حنیف دانشیار، مولانا محمد  عبدالله، اورنگ زیب، خانم رحیمه ظریفی، احمد اسحاق احسن و ایلوینا بوبنسن جنابلری اشتراکیده 1398- ییل 5- میزانده یولگه قوییلدی.