کیلگوسی جمهور رییس‌لیک سیلاو، شفاف بیرحالده یولگه قوییلیشی همده قلاب کارلیک اونگی آلینیشی خصوصیده ینگی معیارلر، بیر ییغینآرقه‌لی معرفی ایتیلدی.

اوشبو ییغینده نطق سوزله گن سیلاولر مستقل کمیسیونی‌نینگ باشلیغی حوا علم نورستانی اوشبو نهاد ایشلاوچی‌لری نماینده لیگیده،  27- اسد (کابل ولایتیده طوی هوتلیده یوزبیرگن قانلی هجوم و 28- اسد (ننگرهار ولایتیده یوزبیرگن واقعه) شهیدلر عایله‌لری و یقین قرینداش‌لریده بویوک تسلیت و قیغوداشلیگی‌نی معلوم قیلیب، شهیدلر جایلری جنت دن و یره دار بولگن‌لرده تیزلیکده ساغلام‌لیک طلب قیلدی.

شونینگ دیک خانم نورستانی، افغانستان مستقل‌لیک یوز ییل‌لیگینی مملکت برچه قهرمان خلقیده تبریک‌لب، «سیلاولر مستقل کمیسیونی جمهورلیک ریاست سیلاوی یولگه قوییلیش زمانینی 6- میزانده قید ایتگن و بو خصوصده برچه تیارگرلیک قولگه آلینگنی‌نی معلوم قیلدی خانم نورستانی.»

اوشبو ییغینده، سیلاولر مستقل کمیسیونی‌نینگ کمیشنری مولانا محمد عبدالله هم اوز قیغوداشلیگی‌نی شهیدلر عایله‌لریده سوزلب، همده مملکت مستقل‌لیک یوز ییل‌لیگی‌نی تبریکله‌دی. او همده آواز بیریش جریانیده، آوازلرنی حسابلش، پاک و ناپاک آوازلر اجره لیشی خصوصیده اوچ لایحه کوزگه توتیلگنی‌نی بیان قیلدی.

شونینگ دیک، شرایط گه تینگ بولمه گن 400 مینگ آواز بیرووچی اسمی آواز بیرووچی‌لر رویخطیدن چیقاریلگن و بو خصوصده ییترلیچه چاره – تدبیر قولگه آلینگنی‌نی بیان قیلدی عبدالله جنابلری. او همده آواز بیرووچی‌لر هر بیر محلیده بیر بایومتریک اوسکونه‌سی بولیب، اونده 400 آواز بیرووچی قید ایتیله دی و ینه بیر بایومتریک اوسکونه‌سی هم احتیاطی حالده بیریلماقده.

عبدالله جنابلری‌نینگ کوپیتیریشیچه، آواز بیرووچی‌لرنی استیکر یاپشتیریلگن کیم‌لیک‌لری، بایومتریک اوسکونه‌سی واسطه‌سیده تیکشیریلیب، قلابی آواز اونگی آلینیشی اوچون ییترلی نقشی بار. اونگه کوره اوشبو لایحه‌لر و سیلاو کمیسیونی وبسایتیده ترقه تیلگن و بو ایش توقسن فایز قلاب کارلیک اونگی آلینیشیده تاثیرچن دیر.

دیمک، سیلاولر مستقل کمیسیونی‌نینگ کمیشنری خانم ظریفی خبرچی‌لر سوراغیده جواب قیتریب، عیال‌لرنی صورتی آلینیشیده هیچ قندی شرعی معما یوق‌لیگینی بیان قیلدی. عیال‌لر کیم لیک، پاسپورت، حج و باشقه ایریم مراسم‌لرده صورتگه توشیش اوچون عایله‌لری تمانیدن رخصت بیریله‌دی، شوندی بیرحالده سیلاو شفاف‌لیگی و تینیق‌لیک کوزگه توتیلیشی اوچون یاردم بیریلیشی لازم دیدی.