سیلاولر ایرکین کمیسیونی اولکه بویلب سیلاولر نی اوتکزیشده یگانه نهاد بولیب، برچه پیتده قانون گه کوره اوزی نینگ بورچلرینی و اونگه بولگن تاپشیریقلرینی جدی کوره ش و تلاش بیلن ایلگری آلیب بارماقده.

جمهورلیک ریاستی سیلاوی نی اوتکزگندن سونگ بو کمیسیون، سیلاولر دن اورگه نیلگن درسلر برنامه سی نی اوتکزیب، ۱۳۹۷ و ۱۳۹۸ سیلاولری دن آلگن تجربه لر و قانونی مکلفیتلری گه کوره سیلاولر قانونی تعدیلی باشلنغیچ طرحی نی آماده قیلگنلر.

سیلاولر ایرکین کمیسیونی، ولایتی شورالر، غزنی ولایتی جرگه اولوسی، اولسواللیک شورالر و بویوک شهرلرنینگ شاروالی لیک لر سیلاولرینی اوتکزیش اوچون ایلگریدن تیارگرلیک لر آلیب، عملیاتی پلانی و بودجه طرحی نی افغانستان اسلامی جمهورلیک ریاستی عالی مقامی گه کیره کلی بودجه و سیلاولر نینگ امنیتی تامینله نیشی اوچون رسمی شکلده یوباریلگن دیر.

کمیسیون نینگ دارالانشاء رئیسی و اعضاسی، ا فعانستان اسلامی جمهورلیک ریاستی عالی مقامی و جمهورلیک ریاستی عالی مقامی نینگ اورین باسرلری بیلن ۱۳۹۹/۲۸ جدی تاریخی ده اوز ارا اولتیریش آلگنلریده ۱۴۰۰ ییل نینگ سیلاولر ی نی اوتکزیش پلانی نی قیسقه شکلده مطرح قیلیب، سیلاولرنینگ اوتکزیش زمینه سینی فراهم قیلیش اوچون اولردن التماس بولیندی.

افغانستان اسلامی جمهورلیک ریاستی عالی مقامی سیلاولر نینگ گزارشی و اوتکزیش پلانی نی ایشیتگندن سونگ، اویله گن وقت گه کوره کیله جک سیلاولر نی وقتیده اوتکزیشی نی آلقیشلب، هر تمانلمه یاردملیکلرینی بیلدیرگن حالده، تیگیشلی بولگن اداره لر گه کمیسیون سیلاولرینی یخشی صورتده اوتکزیش اوچون کیره کلی بویروق لر نی بیرگندیلر.

سیلاولر ایرکین کمیسیونی جمهورلیک ریاستی عالی مقامی نینگ خوش قرشله شی و حمایتی دن منتدارلیک بیلدیریب، افغانستان شریف اولوسی و باشقه تیگیشلی بولگن اداره لر گه ولایتی شورالر، غزنی ولایتی جرگه اولوسی و بویوک شهرلرنینگ شاروالی لیک لر سیلاولرینی اوتکزیشده جدی حرکت بیلن ایش قیلیب تورگنلرینی اعلان قیله دی.

کمیسیون قانون حکملری مطابقی گه کوره، سیلاولر نی اوتکزیش تاریخی نی اوز وقتیده اعلان قیلر.