اساسی قانونده بیلگیلنگن برچه سیلاولر نی اوتکزیش مسوولی سیلاولر ایرکین کمیسیونی بوینیده دیر. سیلاولر ایسه ملی پروسه دیک کتته برنامه دیر که اونینگ اوتکزیلیشی البته که هر تمانلمه یاردمچیلیک و حکومت تمانیدن زمینه یره تیش و تیگیشلی بولگن اداره لر نینگ همکارلیگی بیلن موفقیت لیک بیلن توگه له دی.

۱۳۹۸ ییلی نینگ جمهورلیک ریاستی سیلاوی نی یوتوقلیک بیلن اوتکزگن کمیسیون، سیلاولر دن اورگه نیلگن درسلر نی تدوین قیلیب، تجربه لرگه ته یه نیب، کیله جک سیلاولر نی اوتکزیشده جدی حرکت بیلن باشقروچیلیک قیلماقده.
ینه بیر تماندن غزنی ولایتی ولسی جرگه سیلاوی، ولایتی شورالر، اولوسواللیک شورالر، شاروالی لیک و شاروالی لیک لر اولتیریشلری نینگ سیلاولری اوتکزیلیشی حقیده تخنیکی، عملیاتی مسله لر بابیده بحث بولگندن سونگ، غزنی ولایتی ولسی جرگه سیلاوی، ولایتی شورالر سیلاوی، اولوسواللیک و شاروالی لیک لر سیلاولرینی اوتکزیش اوچون ۱۴۰۰ ییلده تیارگرلیک آلینگندی.

سیلاولر ایرکین کمیسیونی ۱۳۹۹ ییلی ۱۶ نچی اسد آیی ده، غزنی ولایتی ولسی جرگه سیلاوی نینگ اوتکزیلیشی طرحینی رسمی صورتده جمهورلیک ریاستی بیلن اورته گه قویدی که، اونده ۱۴۰۰ ییلی نینگ ۳۱ نچیسی ثور آییده سیلاولر نی اوتکزیش تاریخی دیب ایتیلگن.
۱۳۹۹ ییلی ۲۱ نچی سی سنبله آییده ینه هم کمیسیون مکتوبی تعقیبی دیب جمهورلیک ریاستی عالی مقامی گه مکتوب یوبارگن دیر. ایلگری مکتوبلر تعقیبی بنا، ۱۳۹۹ قوس ۳ نچی سی ده، غزنی ولایتی ولسی جرگه سیلاوی، ولایتی شورالر و ایریم شاروالی لیک لر سیلاولرینی اوتکزیش طرحینی و عملیاتی پلانلرینی جمهورلیک ریاستی عالی مقامی گه یوبارگن دیر که بو طرح و عملیاتی پلان ده، یوقاریده گی سیلاولر اوتکزیلیشی ۱۴۰۰ خزانیده، ترتیبلنگن دیر.
سیلاولر ایرکین کمیسیونی ۱۴۰۰ ییلی خزان آییده بوله دیگن غزنی ولایتی ولسی جرگه سیلاوی، ولایتی شورالر سیلاوی، ایریم شاروالی لیک لر سیلاولر نی اوتکزیشده جدی حرکت بیلن تیارگرلیکلری بار. همده سیلاولر دن آرقه داشلیک بیلدیروچی دفتری بولمیش بیرلشگن ملتلر تشکیلاتی و یو ان دی پی بیلن پروژه سندینی امضاله گن دیر.

آواز بیریش مرکزلر نی ینگیدن تیکشیریش، آواز بیروچی فهرستلری نینگ اصلاحی، آواز بیروچی تقویتی ثبت نامی، اینگ مهم موضوع لردن عبارت که سیلاولر عملیاتی برنامه لریدن آلدین کمیسیون آرقه لی عمل گه آشه دی.
عین حالده سیلاولر ایرکین کمیسیونی غزنی ولایتی ولسی جرگه سیلاوی، ولایتی شورالر سیلاوی و اولوسواللیک و شاروالی لیک لر سیلاولر نی اوتکزیش اوچون تیارگرلیک لر یانیده، اولکه نینگ ۳۴ ولایتی اهالیسی و سیلاولر ایشلاوچیلری بیلن مردم نی آگاه لنتیریش بوییچه و ایشانچ کوپپه یتیریش اولتیریشلری نی اوتکزگن حالده سیلاولر قانونی نینگ اصلاحی طرحی نی هم نهایی قیلگن دیر که تیزلیکده عدلیه وزراتی، ملی شورا و باشقه جانبلر بیلن اورته گه قوییله دی.
سیلاولر ایرکین کمیسیونی، همده سیلاولر نینگ برچه مسله لرینی تیگیشلی بولگن اداره لر بیلن اورته گه قوییب، ذیدخل بولگن ایچکریلیک و تشقریلیک نهادلرنینگ نظرلری نی الگندن سونگ هر تمانلمه تیکشیریش بیلن کیله جک سیلاولر نی اوتکزیشی اوچون حرکت قیلماقده لر.