سیلاو مستقل کمیسیون‌نینگ رهبرلیک اعضالری میدیا جمعیتی و جمهورلیک رییسلیک سیلاو نامزدلری‌نینگ بیر قطار کوزه تووچی‌لری حضوریده خبری بیر ییغین یولگه قوییب، آلتینچی میزان جمهورلیک ریاست سیلاوی‌نینگ دست‌لبکی نتیجه‌سی معلوم بولیش زمانی‌نی انیقله‌دی.

اوشبو ییغینده کمیسیون باشلیغی حوا علم نورستانی، جمهورلیک ریاست سیلاوی‌نینگ دست‌لبکی نتیجه‌سی‌نی معلوم بولیش زمانی‌نی جاری ییل 23- عقرب‌ دیب، اوشبو نتیجه کیچیکتیریلگن سببی‌نی بایومتریکده بولگن معلومات‌نی عموم‌لشتیریش مرکزی قمه‌لیشی خصوصیده بیرقطار نامزد نظارتچی‌لرینی اعتراضی، بایومتریکده بولگن معلومات‌نی درملوک شرکتیده انتقال بیریلیش جریانیده بولگن تخنیکی معمالر همده شفافیت تامین‌لنیش مقصد عنوان قیلدی.

شونینگ دیک سیلاو ایرکین کمیسیون‌نینگ کاتیبی مسافر قوقندی، سیلاونینگ دست‌لبکی نتیجه‌سی‌نی زمانی کیچیکتیریلگنی خصوصیده کیچیریم سورب، اوشبو نتیجه کیچیک‌کن سببی شفافیت تامین‌لنیشی و خلق‌نی واقعی آوازی سقله‌نیشی دیدی.

عین حالده سیلاو ایرکین کمیسیون‌نینگ کمیشنری مولانا محمد عبدالله هم سیلاو زمانی کیچیکتیریلگنی خصوصیده معلومات بیریب، مخابراتی ترماق‌لرگه قرشی تهدیدلر، انترنت و درملوک شرکتی‌نینگ مرکزی حافظه‌سیگه قرشی تهدید دیب و بو خصوصده تیکشیرووی دوامی بولگنی‌نی آچیق‌له‌دی. او همده بیر قطار نظارتچی‌لر آرقه‌لی دیجیتلی نتیجه‌لرنی تیکشیریش عمومی مرکزنی ایشیگی قملگنی و درملوک شرکتی‌نینگ کم کارلیگی سبب بیلدی.

شونینگ دیک درملوک شرکتی تمانیدن آوازلر تصفیه قیلینگنیدن کیین کمیسیون ملازم‌لری نظارتچی و کوزه تووچی‌لر حضوریده آوازلرنی قیته تیکشیریش و تفتیش ایتیش مقصد ولایت‌لرده سفر قیلیب شفاف آوازلرنی فورمه‌لرگه قید ایتیب و سیستم گه انتقال بیرگنیدن کیین سیلاو دستلبکی نتیجه‌سی معلوم بولیشینی بیان قیلدی عبدالله جنابلری.

بونگه قوشیمچه مولانان عبدالله جنابلری، درملوک شرکتی تمانیدن ترقه‌تیلگن آوازلر رقمی خصوصیده معلومات بیریب،  حاضرگچه ایکی رقم گزارش کمیسیون‌گه بیریلگن، بیر گزارشگه اساس اشتراک قیلگن‌لر سانی 1 ملیون و 9 یوز و 29 مینگ و 333 کیشی و ینه بیریده ایسه 1 ملیون و 7 یوز و 91 مینگ و 703 کیشی بولگن و بو ایکی رقم آره سیده 137 مینگ و 630 آواز فرقی بار و تیکشیرووگه نیازی بار. عبدالله جنابلری همده سیلاو ایرکین کمیسیون‌نینگ ولایتی رسمی‌لری کنترولیده بولگن مرکزلرنی آوازی ناتوغری گزارش بیریلگن تقدیرده عدلی و قضایی اداره لریگه تانشتیریلماقده دیدی.

اوشبو ییغین، سیلاو ایرکین کیمسیون‌نینگ باشلیغی حوا علم نورستانی، کمیسیون‌نینگ اورین باسری سید عصمت الله مل، کمیسیون‌نینگ کاتیبی مسافر قوقندی، کمیسیون‌نینگ اعضالری مولانا محمد عبدالله، محمد حنیف دانشیار، اورنگ زیب، خانم رحیمه ظریفی و احمد اسحاق حسن و شونینگ دیک اوشبو کمیسیون‌نینگ دارالانشا باشلیغی حبیب الرحمان‌ ننگ حضوریده کیمسیون‌نینگ میدیالر مرکزیده یولگه قوییلدی.