۱۳۹۸ سیلاوی

عکس لر

Tweets by @AfghanistanIEC

شرایط گه تینگ بولگن آواز بیرووچی‌لرنی کیم‌لیگی و آواز بیریش مرکزی اوشبو رویخط گه یازیله‌دی. آواز بیریش شرایط گه تینگ بولگن هر بیر اولکه داش‌لر اوز اسمی‌نی آواز بیرووچی و نامزد حیثیده آواز بیرووچی‌لر روخطیده یازدیریب اوندن کیین جمهورلیک ریاست، تومن‌لر و ملی کینگش سیلاولریده اشتراک قیله آله دیلر. بو آره ده سیلاو مستقل کمیسیونی آواز بیرووچی‌لر رویخطی‌نی آواز بیریش مرکزلری گه قرب ترتیب بیریب اوندن کیین کمیسیون‌‍‌‌نی ملی معلومات مرکزیده قوشیش گه مجبور دیر. شو یوزدن آواز بیرووچی‌لرنی رویخطگه آلیش جریانی 18- جوزادن باشلنیب 8- سرطان گچه دوام تاپماقده.

سیلاو مستقل کمیسیونی، آواز بیریش شرایط گه تینگ بولگن شخص‌لرنی آواز بیریش رویخطی گه قید ایتیشی و تانیب آلیشی اوچون ملی معتبر هجتی بولگن کیم‌لیک‌لریدن ایش آله‌دی. حسابات و معلومات اداره سیده قید ایتیلگن ینگی و سابقه کیم‌لیک‌لر اعتبارگه ایگه. شونینگ دیک مملکت کوپلب یشاوچی‌لری اینقصه عیال‌لر قشلاق‌لرده کیم‌لیک‌لری یوق، حسابات و معلومات اداره سی بوکبی عیال‌لرگه آواز بیرووچی‌لرنی رویخط گه آلیش جریانی باشلنمسدن کیم‌لیک ترقه‌تیش گه مجبور دیر.  حسابات و معلومات اداره سی اولکه بویلب شرایط گه برابر بولگن اون ملیون کیشی گه کیم‌لیک توزیع قیلینیشینی اعلان قیلگن. کیم‌لیک‌لر توزیع قیلینگنیدن کیین اوشبو کیم‌لیک‌لر یوزه سیدن آواز بیرووچی‌لرنی رویخط گه آلیش جریانی باشلنه‌دی و آواز بیریش اوچون بیریلگن سابق برچه کارت‌لر ابطال دیر.

سیلاو کونیده 18 یاشنی تولدیرگن کیشی‌لرنی اسمی آواز بیرووچی حیثیده آواز بیرووچی‌لرنی رویخط گه آلیش مرکزلریده قید ایتیله‌دی. شرایط گه تینگ بولگن شخص اوزی رویخطگه آلیش مرکزیده باریب، اسمی‌نی آواز بیرووچی‌لر رویخطیده قید ایته‌دی. کیم‌لیک‌نی مشخص قیله‌دیگن ایشلاوچی‌لر علاقه بیلدیرگن شخص‌نی کیم‌لیگی و اونینگ تابعیتی‌نی تیکشیریب و اونینگ کیم‌لیگی انیق‌لنگنیدن کیین قید ایتووچی ملازم گه تانیشتیره دی. اوندن کیین علاقه کورستگن شخص‌نی کیم‌لیگی اسم‌لرنی قید ایتووچی کتاب گه یازیله‌دی. شونینگ دیک ایشلاوچی‌لریدن ینه بیری رویخگه آلینگن گواهی نامه‌نی کیم‌لیک‌لر آرقه‌سیده یاپشتیریب اوندن کین کیم‌لیک‌نی علاقه کورستگن کیشی‌گه تاپشیره دی. اگرده علاقه کورستگن شخص‌نی اسمی آواز بیرووچی‌لر رویخطیده بولمه‌گن حالده یاده اونگه باغلیق معلومات‌لری ناتوغری بولگن حالده اسم‌لرنی رویخطگه آلیش مرکزیده باریب، اسمی و تیگیشلی معلومات‌لرنی اصلاح قیله آله‌دی، بولمه‌گن تقدیرده سیلاو کونیده آواز بیریشدن محروم قاله‌دی.

عیال‌لرنی رویخطگه آله یاتگن محل‌لرده عیال ایشلاوچی‌لری موجود، شو یوزدن آواز بیریش شرایط گه تینگ بولگن عیال اسم‌لرینی رویخط گه آلیش مقصد یقین بولگن محل و یا مرکزلرده بارسین‌لر. دیمک سیلاو مستقل کمیسیونی سیلاو برچه جریان‌لریده دولت‌نی پالیسی‌سی رعایت ایتیلیشی مقصد عیال‌لر و ناگران‌لر خصوصیده سهولت‌لرنی کوزگه توتگن. شونینگ دیک آواز بیریش و رویخط گه آلیش مرکزلر خوفسیزلیگی سقله‌نیشی اوچون خوف سیزلیک کوچلرینی مسوول بیله‌دی.

شونگه اوخشش سیلاو شفاف و تینیق‌لیگی مقصد، نظارتچی، کوزه تووچی‌لر و میدیالرده سیلاو مستقل کمیسیونی تمانیدن اعتبارخط بیریله‌دی. اولر سیلاو قانونی و کمیسیون‌نی لایحه‌لری و ریجه‌لریگه قرشی عمل‌لرنی کورگن زمان اوز شکایت و عریضه‌لرینی بیلدیریب و اوشبو شکایت‌لرده یتیشیش اوچون کمیسیون مشخص ریجه و لایحه‌لرنی کوزگه توتگن دیر.