۱۳۹۸ سیلاوی

عکس لر

Tweets by @AfghanistanIEC

سیلاو ایرکین کمیسیونی، خلق‌نینگ واقعی آوازینی قوریش و شفافلیک تامین ایتیلیشی مقصد، سیلاو قانونی‌نینگ 86- ماده سی اساسیده آلدیندن قید ایتیلگن 8329 محل آوازینی قیته سنش و تفتیش ایتیشگه قرار قیلگندی. شونینگ دیک آوازلرنی قیته سنش و تفتیشدن مقصد، اعتبارگه تینگ بولمه‌گن و سیلاو قاعده سی و طرزالعمل‌لریگه قرشی بولگن آوازلرنی اجره تیش دییله‌دی.

آوازلرنی قیته سنش و تفتیش جریانی 18- عقرب گه باشلندی؛ لیکن اوشبو جریان اونگیده بولگن ایریم قرمه قرشی‌لیک‌لر و باشقه بیرقطار نامزدلرنی اعتراض‌لریگه جواب قیتریلیشی و اولرنی قناعتی‌نی حاصل قیلیش مقصد اوشبو جریان تورت کون توخته تیلدی. بلاخره اوشبو جریان بیرقنچه تخنیکی مذاکره لردن کیین قیته باشله‌نیب و حاضرگه قدر مملکت بویلب 24 ولایت‌ده یکونلنگن. 3 ولایت‌ده نارمل شکلیده دوامی بار و تاسف بیلن ییتی ولایت‌ده بیرقطار نامزدلرنی طرف دارلرینی قرشی لشماغی سبب حاضر هم باشلنمه‌گن.

دیمک، 23 ولایت‌ده تفتیش قیلینگن آوازلر کمیسیون‌نینگ مرکزی دفتریده انتقال بیریلگن و اونینگ انتیک و اسکن پروسه‌سی نتیجه‌لرنی عموم لشتیریش ملی مرکزیده دوامی بار. تفتیش جریانی یکونلگن ولایت‌لرده ملزمه‌لری یقینده مرکزگه انتقال بیریلماقده.

سیلاو ایرکین کمیسیونی، اوشبو کمیسیون‌ قانونی‌نینگ 86- ماده سی، آوازلرنی عموم لشتیریش توقیزینچی ماده سی و شونینگ دیک اوشبو ماده نینگ 11- بولمی گه اساس. آوازلرنی قیته سنش و تفتیش ایتیش فیصله نامه‌سی‌نینگ 105- رقمیده 2423 محل آوازینی قیته سنش و تفتیش اوچون بویورگن. حاضر ایسه ولایت‌لرده تفتیش و قیته سنلگن آوازلر کمیسیون‌نینگ مرکزی دفتریده انتقال بیریلگن. شونینگ دیک 2423 محل‌دن 1190 محل‌نی تفتیش و قیته سنش نتیجه‌سی مخصوص بیر گزارش آرقه‌لی یوباریلگن. سیلاو ایرکین کمیسیون‌نینگ اعضالری اوشبو گزارش‌لرنی تیکشیرگنیدن کیین 1179 محل آوازی اعتبارگه تینگ ایمس‌لیگی نی بیان قیلدی.

ایتیلیشیچه، سیلاو ایرکین کمیسیونی هردایم بایومتریک قیلینگن آوازلرگه اعتبار بیریلیشینی تاکیدلب، اعتبارگه تینگ بولگن و بولمه‌گن آوازلر سیلاو ایرکین کمیسیون‌نینگ قاعده سی، لایحه و طرزالعمل‌لریگه اساس تیکشیریلماقده. شونینگ دیک بیز افغانستان خلقی و سیلاوگه تیگیشلی برچه طرف‌لرگه ایشانچ بیره میز کیم، سیلاو ایرکین کمیسیونی اوشبو کمیسیون‌نی قانون – قاعده‌لری، لایحه‌لر و طرزالعمل‌لریگه مطابق عمل قیلیب و هیچ بیر تمانگه علاقه کورستمه‌یدی.

سیلاو ایرکین کمیسیونی، هردایم افغانستان خلقیده جواب قیتریب، سیلاوگه تیگیشلی ستادلر و طرف‌لرنی نظریه و پیشنهادلریگه حُرمت بیریب، اولرنی خواست‌لرینی قانون – قاعده و طرزالعمل‌لرگه مطابق عملگه آشیرماقده. شونینگ دیک حاضر هم بیرقطار سیلاو ستادلری ناراضی‌لیک بیلدیریشگن؛ کمیسیون نینگ ایشیگی اولرنی اونگی‌گه آچیق دیر و اوز شکایت و اعتراض‌لرینی تیگیشلی اداره لرگه قید ایتیشگه حقی بار.

اخیرده ینه بیرمرته افغانستان امنیتی قوت‌لری و سیلاوگه تیگیشلی برچه طرف‌لردن ایسته یمیز، صداقت‌لیک بیلن کمیسیون گه یاردم بیرسین‌لر. همده سیلاو برچه ستادلریدن ایسته‌یمیز سیلاو ایرکین کمیسیون‌نی ایش‌لریگه اره لشمه‌ی، اوشبو کمیسیون‌نی قانون چهار چوبه‌سی اساسیده ایش‌لرینی آلغه آلیب باریشیده رخصت بیرسین تا اوشبو کمیسیون افغانستان برچه خلقی‌نینگ ایسته‌گی بولگن 1398- ییل جمهورلیک ریاست سیلاوی‌نینگ نتیجه سینی اعلان قیلسین.