۱۳۹۸ سیلاوی

عکس لر

Tweets by @AfghanistanIEC

سیلاو مستقل کمیسیون‌نینگ تعلیم بیریش ریاستی، مملکت 34 ولایت‌ دفتری‌نینگ باشلیغ‌لریده سیلاو جریانیده آگاه لنیش اوچ کونلیک ورکشاپی‌نی یولگه قویدی.

اوشبو ییغین باشله‌نیشیده سیلاو کمیسیون‌نینگ باشلیغی خانم حوا علم نورستانی مذکور ییغینده قتنشگن‌‌لرنی خوش کیلدینگیز دیب، اولردن اوز ایش‌لریده صداقت و ایمان دارلیک‌نی رعایت قیلیش‌لرینی طلب قیلدی. شونینگ دیک  خانم نورستانی کمیسیون رهبرلیگی هردایم ولایت دفترلری‌نینگ معمالرینی ایشیتیب اوشبو معمالر حل ایتیلیشی خصوصیده قولیدن کیلگن یاردم‌نی ایه مس لیگینی وعده بیردی.

کیلگوسی جمهورلیک ریاست سیلاوی تعین ایتیلگن زمان (6- میزانده) تینیق و شفاف بیرحالده یولگه قوییلیشی اوچون کمیسیون ولایتی دفتر باشلیغ‌لری جدی سعی و حرکت قیلیش‌لرینی طلب قیلدی خانم نورستانی جنابلری.

شوندی بیرحالده کمیسیون‌نینگ اورین باسری سید عصمت الله مل، ولایتی دفتر باشلیغ‌لری شرعی عذری بولمه‌گن بیرحالده اوز ایش‌لریده حاضر بولمه‌گن تقدیرده اولرگه قانونی یولباریلیشینی بیان قیلدی.

اوشبو ییغین دوامیده، سیلاو مستقل کمیسیون‌نینگ عضوی اورنگ زیب جنابلری، سیلاو مستقل کمیسیون‌نینگ برچه عضوی و ایشلاوچی‌لری سیلاو جریانیده طرفسیزلیک و عدالت‌نی رعایت قیلیب، مملکت تاریخیده قید ایتیله یاتگن بیر سیلاو بولیب اوتیشینی بیان قیلدی. او همده کیلگوسی سیلاو افغانستان برچه خلقی‌نینگ ایشانچیگه تینگ و شفاف بیرحالده بولیب اوتیشینی تصدیقله‌دی.

شونینگ دیک، سیلاو جریانیده ایشلاوچی‌لرنی تنلنیشی کمیسیون‌نی بویوک یوتوق‌لریدن بولیب، اوشبو جریان 95 فایز ایشی آلغه بارگن و سیلاو شفاف بیرحالده یولگه قوییلیشی اوچون حکومت‌نی جدی توجه قره تیشینی طلب قیلدی اورنگ زیب جنابلری.

عین حالده سیلاو مستقل کمیسیون دارالانشاسی‌نینگ عملیاتی اورین باسری محمد عثمان فروتن، کمیسیون‌نی عملیاتی فعالیت‌لری خصوصیده بیر ورکشاپ اوتکزیب، سیلاو جریانیدن نظارت قیلیش و یخشی تکلیف‌لرنی باشدن کیچیریش سیلاو تینیق‌لیگی اوچون اوته مهم عنوان قیلدی.

اوشبو ییغینده قتنشگن‌لر هربیری اوز سوراغ‌لرینی، سیلاو اونگیده گی خوف سیزلیک معمالری، ملزمه‌لرنی انتقالی، نظارتچی و ایشلاوچی‌لرنی آیلیک‌لری خصوصیده بیان قیلیب، تیگیشلی ریاست‌لر اشتراکچی‌لر سوراغ‌لریده قناعت گه تینگ جواب قیتردی.

دیمک اوشبو اوچ کون‌لیک ورکشاپده، آوازلرنی حسابلش، آواز بیریش لایحه‌لری، بایومتریک اوسکونه سیدن یخشی فایده لنیشی و سیلاوگه عاید معلومات‌لر تعلیم بیریلیشی خصوصیده بولیب، تیگیشلی ریاست‌لر آرقه‌لی ییترلیچه معلومات بیریلدی.

اوشبو ورکشاپ، سیلاو مستقل کمیسیون‌نینگ باشلیغی خانم حوا علم نورستانی، کمیسیون‌نینگ اورین باسری سید عصمت الله مل، کمیسیون‌نینگ کاتیبی مسافر قوقندی، کمیسیون‌نینگ اعضالری محمد حنیف دانشیار، اورنگ زیب، خانم رحمیه ظریفی، دارالانشا باشلیغی حبیب الرحمن ننگ، کمیسیون دارلانشاسی‌نینگ عملیاتی اورین باسری داکتر محمد عثمان فروتن، کمیسیون دارالانشاسی‌نینگ استراتیژیک رابطه‌لر اورین باسری علی شاه مصباح و اوشبو کمیسیون‌نی 34 ولایت ده گی دفتری نینگ باشلیغ‌لری اشتراکی بیلن جاری ییل 9- سنبله ده اوشبو کمیسیون میدیالر مرکزیده یولگه قوییلدی.