عکس لر

Tweets by @AfghanistanIEC

سیلاو ایرکین  کمیسیون‌نینگ رهبرلیک اعضالری، بیرلشگن ملت‌لر تشکیلاتی‌نینگ باش کاتیبی تدامیچی یماماتو بیرگه‌سیده اوشبو کمیسیون مقریده اوچره شیب، سیلاو شکایت‌لرینی تینگلش کمیسیون‌نینگ فیصله‌لری برابریده ییترلیچه تیارگرلیک آلینگنی نی بیان قیلدی اوشبو کمیسیون رسمی‌لری.

اوشبو ییغینده، سیلاو ایرکین کمیسیون‌نینگ باشلیغی خانم حوا علم نورستانی، سیلاو جریانی خصوصیده مالی و تخنیکی یاردم بیرووچی برچه تمان اینقصه بیرلشگن ملت‌لر تشکیلاتی‌نینگ توجه قرتگنیدن استقبال قیلیب، اوشبو کمیسیون‌نینگ کیله‌سی ریجه‌لری خصوصیده معلومات بیردی.

شونینگ دیک اوشبو کمسیون‌نینگ رهبرلیک اعضالری، سیلاو شکایت‌لرینی تینگلش کمیسیون‌نی فیصله‌لری خصوصیده اوز فکر و ملاحظه‌لرینی سوزلب، حاضرگچه اوشبو کمیسیون‌نی سونگی قراری سیلاو ایرکین کمیسیونیگه یوباریلمه‌گن دیر و یوباریلگن زمان انیق بیر تصمیم آلینیشیدن ایشانچ بیریشتی‌لر.

عین حالده، بیرلشگن ملت‌لر تشکیلاتی‌نینگ باش کاتیبی، سیلاو ایرکین کمیسیون‌نینگ قیلگن ایش و فعالیت‌لرینی خوش قرشی‌لب، قالگن ایشلر یخشی‌لیک بیلن یکونلنیشینی اورغوله‌دی.

اوشبو ییغین، سیلاو ایرکین کمیسیون‌نینگ باشلیغی خانم حوا علم نورستانی، کمیسیون اورین باسری سید  عصمت الله مل، کمیسیون کمیشنرلری اورنگ زیب، مولانا محمد عبدالله، خانم رحیمه ظریفی و خانم ایلوینا روبنسن و شونینگ دیک بیرلشگن ملت‌لر تشکیلاتی‌نینگ باش کاتیبی تدامیچی یماماتو و بیرگه سیده گی هیئت‌لری حضوریده 1398- ییل 16- دلو ده یولگه قوییلدی.