د ۱۳۹۸ کال ټاکنې

انځورونه

Tweets by @AfghanistanIEC

د ټاکنو خپلواک کمیسیون د اساسي قانون، د ټولیزو رسنیو قانون، اطلاعاتو ته د لاسرسي قانون او د ټاکنو قانون ۸۹مادې په پام کې نیولو سره د خلکو او ټولیزو رسنیو پوښتو ته ځواب ویل خپل مکلفیت ګڼي.

ټاکل شوې چې امنیتي وضعیت او د کمیسیون د مرکزي او ولایتي دفترونو اجرااتو ته په کتو اړوند اطلاعات هره ورځ د ماسپښین په دوو بجو شریک او د رسنیو په واک کې ورکړل شي. پر دې اساس د رسنیو له ټولو درنو استازو او ازادو خبریالانو څخه هیله کوو چې اطلاعاتو او پوښتنو ته د لازمو ځوابونو د ترلاسه کولو لپاره د ماسپښین تر دوو بجو وروسته کمیسیون ته مراجعه وکړي. 

پر دې اساس د امنیتي چارو د تنظیم او په کمیسیون کې له موظفو امنیتي بنسټونو سره د همکارۍ لپاره د درنو ژورنالیستانو او د دوی د تخنیکي همکارانو بشپړې پېژندنې(شهرت) ته اړتیا ده. نو له ملي او نړیوالو رسنیو څخه په درنښت هیله کوو چې د خپلو هغو ژورنالیستانو او رسنیزو همکارانو بشپړ شهرت له رسمي مکتوب سره یو ځای د ټاکنو خپلواک کمیسیون د ویاندویانو دفتر ته راواستوي چې په دوامدار ډول کمیسیون ته تګ راتګ کوي. 

هغه ژورنالیستان او د دوی درانه تخنیکي همکاران چې په وقفه يي ډول کمیسیون ته مراجعه کوي، کولای شي د ښې همغږۍ لپاره د (0782828222-0786373065-0703808390-0795121212) ټلیفونې شمېرو یا This email address is being protected from spambots. You need JavaScript enabled to view it. برېښنالیک له لارې له اړوندو مسوولینو سره په اړیکه کې شي