د ۱۳۹۸ کال ټاکنې

انځورونه

Tweets by @AfghanistanIEC

د ټاکنو خپلواک کمیسیون د پایلو د جمعبندۍ او بایومتریکي مالوماتو د تحلیل او تجزیې په جریان کې د خپلو موندنو پر اساس د اړوند قانون، لایحې او طرزالعمل له مخې پرېکړه وکړه چې د ځينو محلونو رایې تفتیش او بیا وشمېرل شي په ۲۷ ولایتونو کې د تفتیش او بیا شمېرنې بهیر په عادي ډول پای ته ورسېد؛ خو په اوو ولایتونو (تخار، سرپل، بدخشان، جوزجان، فاریاب، بغلان او پنجشیر) کې د ځينو ټاکنیزو ډلو د نیوکو له امله پیل نشو.

په ټولنیزو رسنیو په ځانګړي ډول فیسبوک او ټویټر کې د ټاکنو خپلواک کمیسیون د رییسې حوا علم نورستاني په نوم جعلي پاڼې داسې سیاسي او ټاکنیز مسایل خپروي چې د کمیسیون په رییسه پورې اړه نه لري.

د ټاکنو خپلواک کمیسیون نیوکو ته د رسېدنې لپاره لاریونونه د خلکو اساسي حق او د دیموکراسۍ د اصولو د نهادینه کېدو لپاره مهم ګڼي. دغه بنسټ د قانون پر اساس په ټول هېواد کې د ټاکنو د ترسره کولو مسوولیت لري او د خلکو د رایو د ساتنې او هغو قوانینو، مقرراتو، لایحو او طرزالعملونو د مراعاتولو مکلفیت لري چې د ټاکنو په برخه کې تصویب شوي دي.