د ۱۳۹۸ کال ټاکنې

انځورونه

Tweets by @AfghanistanIEC

په هغې غونډه کې چې له همدې امله د روان کال د وري په اتمه نيټه جوړه شوې وه، د ټاکنيزو کميسيونونو رهبري پلاوي، د امنيتي ارګانونو چارواکو، د ښځو چارو وزارت، د سيمه يزو ارګانونو خپلواکې ادارې، ماليې او پوهنې وزارتونو، نړيوالو او د غوڅ ملاتړ چارواکو برخه لرله.

په هغو خبرو اترو کې چې د افغانستان د ټاکنو خپلواک کميسيون مشرتابه په کابل کې د اندونيزيا ملګری هیواد له ښاغلی سفير ډاکټر عارف رجمان سره لرلې د ټاکنيزو بهيرونو سره د هغه هيواد پر مرستو او همکاريو ټينګار وشو.

د ټاکنو د خپلواک کمیسیون د رهبرۍ پلاوي نن له غرمې وروسته د روان کال د وري په شپږمه نیټه د کارکونکو سره د پیژنګلوۍ په غونډه کې دغه پیغام د کمیسیون له کارکونکو سره شریک کړ. د کمیسیون مشرتابه د کارکونکو د هڅو پایلې مهمې وبللې او زیاته یې کړه چې د عدالت ټینګښت او بې پرې والی او ناپیلتوب ستاسو په لاس کې دی، خلک په ډیر زیار او کړاوونو په ګاللو سره رایې کاروي، او دا د کمیسیون دنده ده چې خپل تاریخی رسالت اداء او د خلکو د برخلیک په ټاکلو کې په ریښتینې توګه ونډه واخلي.