د ۱۳۹۸ کال ټاکنې

انځورونه

Tweets by @AfghanistanIEC

د ټاکنو خپلواک کمیسیون نن(د لړم په ۲۶مه) په ۲۸ولایتونو کې د رایو د بیا شمېرنې او تفتیش بهیر بیا پیل کړ.

د ترلاسه شوو راپورونو پر اساس، دغه بهیر په بدخشان، بغلان، هلمند، کندهار، پکتیکا، خوست، زابل، کابل، غزنی، پروان، کاپیسا، ننګرهار، کنړ، .. او نورو ولایتونو کې د ولسمشریزو ټاکنو د نوماندانو او ټاکنیزو څارونکو، د ټاکنیزو شکایتونو د کمیسیون د استازو او کتونکو په حضور کې عملاً جریان لري.

 

دا په داسې حال کې ده چې دغه بهیر د لړم په ۱۸مه په ۳۴ولایتونو کې پیل شو چې په ځينو ولایتونو کې د ځینو ټاکنیزو ټيمونو له مخالفت سره مخ شو. کمیسیون د دوی غوښتنو ته د رسېدو په موخه دغه بهیر ودراوه او دوی ته تر ځواب ویلو وروسته یې بېرته پیل کړ.

د یادولو وړ ده چې دغه بهیر د ۳۴ولایتونو له ډلې څخه په پکتیا، کنړ، نورستان، زابل، غور، دایکندی، سمنګان، فراه، کندز، هرات، لوگر، بادغیس، ارزګان، بامیان، لغمان، بلخ، میدان وردګو او نیمروز ولایتونو کې بشپړ شو.